Excarcerado un conductor despois dunha saída de vía en Padrón
O coche quedou envorcado e o condutor non podía saír ao exterior, polo que foi necesario mobilizar aos Bombeiros de Boiro e ao GES de Padrón para poder liberalo
Por E.P. | SANTIAGO DE COMPOSTELA | 25/10/2024 | Actualizada ás 14:53
Unha persoa resultou ferida tras sufrir unha saída de vía no municipio coruñés de Padrón. O condutor quedou atrapado no vehículo e tivo que ser liberado polos servizos de emerxencias.
Segundo a información do CIAE 112-Galicia, o suceso tivo lugar sobre as 13,30 horas deste venres, cando un turismo que circulaba polo quilómetro 76 da N-550, ao seu paso por cruces, saíuse da vía.
Como consecuencia do accidente, o coche quedou envorcado e o condutor non podía saír ao exterior, polo que foi necesario mobilizar aos Bombeiros de Boiro e ao GES de Padrón para poder liberalo.
Ademais, tamén se informou á Policía Local e á Garda Civil de Tráfico. Xa desde o punto, os membros do GES indicaron que fora necesario empregar o material de excarceración para que o ferido puidese saír do vehículo e, posteriormente, ser atendido e trasladado polo persoal sanitario.
