Terremoto de magnitude 2,4 en Maside, o segundo na provincia en menos de tres días

A localidade ourensá de Maside rexistrou este domingo un tremor de magnitude 2,4, segundo notificou o Instituto Xeográfico Nacional (IGN). En concreto, o sismo sentiuse ás 19.18 horas entre Maside e a parroquia de Cruceiro, no concello de San Amaro. Tamén na provincia de Ourense se notificou un terremoto o pasado venres no municipio de Padrenda. Neste caso foi de 1,6 de magnitude. Ademais, durante a madrugada deste luns, en Taboada (Lugo), o Instituto Xeográfico Nacional rexistrou un tremor de magnitude 1,6 ás 10.30 horas.

Terremoto rexistrado no municipio ourensán de Maside | Fonte: IGN