Consello-A Xunta investirá 2 millóns de euros para crear zonas inundables controladas en 2025
O Consello da Xunta deu luz verde este luns a un informe de Augas de Galicia que fixa a creación destas primeiras zonas inundables en: Pontevedra, Vigo, Vilagarcía de Arousa, Bueu, Baiona, Cuntis e Ponteceso
Por E.P. | SANTIAGO DE COMPOSTELA | 09/12/2024 | Actualizada ás 18:32
A Xunta destinará 2 millóns en 2025 á redacción dos proxectos para a creación do sete primeiras zonas de inundación controlada de Galicia como solución ante episodios de choiva extrema que leven o desbordamento de ríos. O investimento previsto necesaria de forma global para as actuacións estímase en 20,9 millóns.
O Consello da Xunta deu luz verde este luns a un informe de Augas de Galicia que fixa a creación destas primeiras zonas inundables en: Pontevedra, Vigo, Vilagarcía de Arousa, Bueu, Baiona, Cuntis e Ponteceso. Céntrase na provincia de Pontevedra ao contar con tres das cidades con maior risco.
Nunha entrevista con Europa Press o mes pasado, o director de Augas de Galicia, Roi Fernández, avanzaba a posta en marcha desta medida, que segue o "modelo" da cidade de Vitoria, onde unha contorna degradada foi acondicionada como parque periurbano e configura a balsa de Lasarte. "Se tes espazo dispoñible, é unha das actuacións máis eficaces", destacaba.
Agora, Augas fixa esta liña de traballo como unha das principais para 2025 de face a evitar inundacións, unha planificación para o ámbito de Galicia Costa que inclúe medidas que mobilizarán 35 millóns.
En concreto, no municipio de Pontevedra crearase unha zona contralada no río Valdecorvos. A Xunta explica que o Concello xa conta cun proxecto, polo que podería ser o primeiro en executarse. No caso de Vigo, o lugar refuxio estaría en Sárdoma, no río Lagares. Mentres, en Vilagarcía estaría no río Con e o regacho Leiro.
A zona inundable en Bueu estará no río Bispo. E a de Baiona inclúe a creación dunha área deste tipo no mercado de Sabarís, na canle do río Groba. Pola súa banda, en Cuntis os traballos consisten na renaturalización da canle fluvial do Galo e a creación dunha zona de inundación controlada na marxe dereita. Finalmente, o municipio coruñés de Ponteceso contará cun aliviadoiro cando se produzan precipitacións intensas no regacho Xunqueira da Ferradura.
De forma paralela, o ano que vén haberá outra liña de traballo que pasa pola creación de corredores fluviais verdes, cun importe dun millón en 20225, para empregar a vexetación de ribeira co fin de reducir o risco de inundación en zonas sensibles.
OUTROS ACORDOS
Noutra orde de cousas, o Consello autorizou a achega de máis de 1,2 millóns para a humanización do tramo inicial da estrada autonómica PO-308 ao seu paso polo municipio pontevedrés de Poio, de forma que se busca mellorar a mobilidade entre Ponte da Barca e a intersección coa PO-310 e o seu tramo inmediatamente posterior. É unha zona de características moi urbanas e un volume de máis de 17.000 vehículos ao día.
Por outra banda, o Consello autorizou a prórroga do convenio coa Fábrica Nacional de Moneda y Timbre para a subministración de cartóns de tacógrafo dixital e de cualificación profesional dos condutores. O Goberno galego achega 285.000 euros para financiar estes dispositivos en 2025.
