Feijóo apoia os pactos co "fugado" Puigdemont: "Coincidimos con eles nalgunhas cuestións fiscais ou económicas"
"Sánchez veu para acabar coa corrupción e é o máis acosado por corrupción da historia democrática", critica.
Por Europa Press / Redacción | MADRID | 24/12/2024 | Actualizada ás 11:10
O presidente do Partido Popular, Alberto Núñez Feijóo, aposta por un achegamento do PP con PNV e Junts, unha postura que non comparten varóns do seu partido, especialmente de Madrid e Andalucía, pola imaxe que pode dar entre os votantes chegar a acordos co independentista e "fugado" Puigdemont.
Feijóo explicou que ambos os partidos "levan moito tempo votando en contra do seu programa electoral e do que viñeron sendo: partidos de centrodereita nacionalista e, nalgúns casos, lamentablemente, independentista". "Coincidimos con eles nalgunhas cuestións fiscais ou económicas. Nós imos seguir exercendo o noso programa. Por suposto", resolveu.
Tamén asegurou que o presidente do Goberno, Pedro Sánchez, "é o presidente máis acosado por casos de corrupción da historia democrática" de España, sinalou nunha entrevista en La Voz de Galicia, recollida por Europa Press.
