Tres feridos na saída de vía dun coche que rematou nunha fonda cuneta en Laza
O sinistro produciuse ás 19.30 horas nunha pista da localidade de Arcucelos, que pertence á parroquia de Reitorta, segundo informou o CIAE 112 Galicia.
Por Europa Press / Redacción | OURENSE | 02/01/2025 | Actualizada ás 11:25
Tres persoas resultaron feridas no accidente dun coche que sufriu unha saída de vía e terminou emprazado nunha cuneta profunda no municipio ourensán de Laza. O sinistro produciuse ás 19.30 horas nunha pista da localidade de Arcucelos, que pertence á parroquia de Reitorta, segundo informou o CIAE 112 Galicia.
Un particular deu a voz de aviso a través dunha chamada ao 112 na que relataba que había ocupantes do vehículo que non podían abandonalo pola posición na que quedara. Ata a zona mobilizáronse efectivos dos bombeiros de Verín, membros do GES de Laza, Protección Civil e profesionais de Urxencias Sanitarias 061, que trasladaron aos feridos a un centro hospitalario.
