O lume arrasa co santuario de petróglifos de Compostela
Un incendio e o paso de maquinaria pesada para atallar as lapas danou 13 estacións de petróglifos en Villestro.
Por Galicia Confidencial | Compostela | 05/08/2016 | Actualizada ás 12:35
O pasado 28 e 29 de xullo un incendio forestal calcinou o Monte de San Miguel na Portela de Villestro e provocou importantes danos na área arqueolóxica máis importante do termo municipal de Compostela pola gran concentración de xacementos situados nesta zona da parroquia de Villestro. Nada menos que 13 estacións de petróglifos (os dez da Portela de Villestro, as dúas laxes dos Cortellos e a do Monte San Miguel) quedaron baixo as lapas e outra sufriu importantes danos polo paso da maquinaria na paraxe do Agro do Campo.
Todas estas estacións xa foran comunicadas tanto a Xunta de Galicia como o Concello de Santiago de Compostela polo Colectivo A Rula, a asociación que máis ten feito por poñer en valor estas manifestacións artísticas. Máis en Historia de Galicia.
