Ilesos os dez pasaxeiros que viaxaban nun tren FEVE que descarrilou en Cerdido

Os dez pasaxeiros que viaxaban nun tren FEVE que unía Ribadeo e Ferrol saíron ilesos despois de que o vagón descarrilase en Cerdido por un arroiamento de pedras.

Segundo informan fontes de Renfe, o suceso produciuse ás 17,10 horas deste martes no apeadeiro de Cunqueira, en Cerdido.

Os pasaxeiros, que resultaron ilesos, foron trasladados en taxi ata o seu destino. A incendencia interrompeu o tráfico na zona e afectou seis servizos da liña de ancho métrico entre Ribadeo e Ferrol, e Ribadeo e Ortigueira.