Queres traballar en Galicia?.... Segundo Infojobs sobra onde facelo
Esta plataforma rexistra máis de 10.800 vacantes para traballar en outubro. O que non sinala é a calidade deses empregos.
Por Europa Press / Redacción | SANTIAGO DE COMPOSTELA | 13/11/2019 | Actualizada ás 21:00
A plataforma para atopar traballo InfoJobs rexistrou durante o mes de outubro 10.800 vacantes para traballar en Galicia, dun total de 236.274 en toda España. Un traballo que, na maior parte das ocasións, é emprego en precario do que non se fala nas ofertas deste tipo de plataformas.
De feito, 71.836 vacantes son contratos temporais. Outro 31% das ofertas publicadas en outubro son contratos indefinidos, igualando practicamente a porcentaxe de contratos de duración determinada ofertados (31,5%).
Por categorías, a de comercial e vendas concentrou o maior número de postos de traballo en outubro nas ofertas publicadas por InfoJobs (43.311), seguido de atención ao cliente (29.377 vacantes) e informática e telecomunicacións (26.972 vacantes).
Destaca tamén a categoría de compras, loxística e almacén, con 23.378 postos ofertados. InfoJobs subliña que esta categoría seguirá crecendo polo 'Black Friday' e a campaña de Nadal.
Por comunidades autónomas, as que máis ofertas publicaron no décimo mes o ano foron Madrid (78.518 vacantes), Cataluña (53.881) e Andalucía (20.870).
