As tarefas de rescate do 'Blue Star' supuxeron un gasto de 1,2 millóns que deberá asumir a aseguradora
O Goberno asegura que non se produciu "contaminación algunha".
Por E.P. | SANTIAGO DE COMPOSTELA | 07/03/2020 | Actualizada ás 11:38
As tarefas de rescate do buque 'Blue Star' —que encallou a noite do 22 de novembro na costa de Ares— levadas a cabo por Salvamento Marítimo tiveron un custo de 1,2 millóns de euros, á vez que remarca que "a responsabilidade" derivada dos danos "asúmeos a empresa aseguradora" da armadora. Diso informou o Goberno central en contestacións por escrito realizada a preguntas no Congreso do BNG.
Así, asegura que non se produciu "contaminación algunha", tras deixar de estar varado o 10 de decembro. No seu relato do acontecido na noite do 22 de novembro, o Goberno explica que o 'Blue Star' solicitou asistencia ás 22,33 horas tras perder velocidade e declararse un incendio na máquina. Así, o seguimento da emerxencia por parte de Salvamento Marítimo "foi continuo e tívose coñecemento da embarracada en tempo real".
Entre os medios mobilizados, estiveron o buque de salvamento 'María Pita', o remolcador do porto de Ferrol 'Hocho', a embarcación de intervención rápida 'Salvamar Betelgeuse' e o helicóptero de salvamento 'Helimer 401'.
Posteriormente, ás 22,45 horas o 'Blue Star' reportou que fondeara, "pero estaba garreando", aínda que o lume estaba baixo control. Tras iso, embarrancó ás 23,37 horas.
INVESTIGACIÓN DA CIAIM
Segundo explica o Executivo central, o embarrancamento do 'Blue Star' impediu levar a cabo a inspección submarina do seu casco, polo que se estudaron os tanques de lastre e combustible desde o interior do buque.
Así, "advertiuse que gran parte dos tanques de auga de lastre estaban danados e comunicados coa auga do mar". Persoal de Salvamento Marítimo embarcado no 'Blue Star' realizou a inspección de maneira inmediata tras a extinción do incendio declarado a bordo.
Sobre o operativo, o Goberno asegura que a relación entre as admnistraciones afectadas pola situación "foi constante e fluída en todo momento".
Finalmente, lembra que a investigación sobre as causas do sinistro corresponde á Comisión Permanente de Investigación de Accidentes e Incidentes Marítimos (Ciaim).
A mediados do mes de febreiro, o dono do 'Blue Star' decidiu que o barco abandonase os peiraos de Ferrol, onde se realizaron obras de emerxencia no seu casco, para pór rumbo a Turquía co fin de ser despezado.
