CCOO acusa á patronal hoteleira de "bloquear" o convenio para hostalaría
O sindicato considerou unha "cegueira empresarial" responsabilizar ás axudas económicas ás persoas desempregadas da falta de man de obra e puntualizou que os profesionais fuxiron do sector "buscando mellores condicións"
Por Europa Press / Redacción | SANTIAGO DE COMPOSTELA | 16/04/2025 | Actualizada ás 19:54
A Federación de Servizos de Confederación Sindical de Comisións Obreiras (CCOO) acusou á patronal da hostalaría de "bloquear" a negociación dos convenios colectivos e de culpar as axudas públicas da falta de persoal.
Segundo trasladou o sindicato nunha nota de prensa, as empresas non atoparán traballadores se non ofrecen estabilidade laboral, salarios dignos e condicións que permitan conciliar a vida profesional e familiar.
Nesta liña, Comisións Obreiras lamentou que as empresas "teñan que lanzar balóns fóra" sobre as propias responsabilidades, porque "seguen sen recoñecer que a raíz do problema está nas condicións laborais".
Ademais, engadiron que "é difícil" que logren ese obxectivo se o que pretenden é que a xente "espere en casa por unha chamada para acudir só en momentos puntuais".
O sindicato considerou unha "cegueira empresarial" responsabilizar ás axudas económicas ás persoas desempregadas da falta de man de obra e puntualizou que os profesionais fuxiron do sector "buscando mellores condicións".
