Regresa cuns "rabuñazos" ao seu domicilio tras oito horas perdido por Monterrei
Ao home xa o buscaran hai dous anos logo de andar 12 quilómetros.
Por Europa Press / Redacción | SANTIAGO DE COMPOSTELA | 29/06/2020 | Actualizada ás 10:20
O home desaparecido na tarde deste domingo no municipio de Monterrei regresou ao seu domicilio cuns "rabuñazos" de noite cando xa se desactivara o operativo de rastrexo ata a xornada deste luns.
Así o informaron a Europa Press fontes de Protección Civil da localidade, que relataron que foron uns veciños os que se atoparon co home pasadas as 22,30 horas deste domingo cando o home "retornaba ao pobo".
Ese domingo un amplo operativo participou na procura deste home desaparecido desde a tarde deste domingo en Monterrei, un home que adoita saír a pasear e, en ocasións, se desorienta.
Nos labores para tratar de localizalo participaron drones da Axencia Galega de Emerxencias, equipos dacabalo e persoal de Protección Civil de Monterrei e Cualedro.
O home saíu a pasear despois de comer, ao redor das 14,30 horas, na localidade de Medeiros. O aviso de que non regresaba a casa deuno a súa irmá. Fontes de Protección Civil explicaron que desaparecera hai dous anos "cando se foi a 12 quilómetros" e entón localizárono cando realizaba o traxecto de volta.
