O circo á gorra volve ás prazas de Compostela

O Colectivo de Artistas de Rúa da Asociación Circonove retomará a súa programación nas diferentes prazas de Santiago de Compostela.

A programación comezará este martes presentando o primerio Cabaré do Verán na Praza da Quintana as 19:30 horas. O espectáculo contará con todas as artistas do colectivo.

"Será unha ocasión na que queremos estar todas as artistas, para encontrarnos con todo o noso público, para mirarnos de novo aos ollos e para botar unhas risas detrás das mascarillas", indican as mulleres da Asociación Circonove.