Soben a 51 os profesionais en corentena do CHUP polo positivo dun paciente

Os profesionais do Complexo Hospitalario Universitario de Pontevedra (CHUP) en corentena domiciliaria ascenden a un total de 51 en relación co caso dun paciente que deu positivo en coronavirus na área de Pneumoloxía do hospital Montecelo a pasada semana.

Diso informou a Consellería de Sanidade este mércores despois de terminar a investigación dos contactos de maior e menor risco entre o persoal que atendeu a este paciente.

Cos resultados epidemiolóxicos obtidos neste seguimento, a área sanitaria de Pontevedra e O Salnés decidiu incrementar ata 51 os profesionais en corentena, con PCR efectuada e con resultado negativo.

Hospital Montecelo.. SERGAS - Arquivo