Os traballadores que testificaron no xuízo de Pachi Vázquez non lembran as súas entrevistas de contratación
Dous técnicos municipais coincidiron en declarar que a secretaria municipal "participaba activamente nos procesos de selección", cuestión que ela mesma negara na vista oral anterior.
Por E.P. | SANTIAGO DE COMPOSTELA | 25/11/2020 | Actualizada ás 20:21
A terceira sesión do xuízo ao ex líder do PSdeG, Pachi Vázquez, acolleu a declaración de nove nove traballadores para tentar demostrar que se cumpriron os principios de méritos ou capacidade o posto que ocupaban.
Con todo, varios aseguraron non lembrar moi ben o proceso de contratación ou as entrevistas que lles realizaron, "porque pasaron moitos anos", e presentaron versións diferentes sobre o medio para acceder ao traballo.
Previemente declararon dous técnicos municipais que coincidiron en que a secretaria municipal "participaba activamente nos procesos de selección", cuestión que ela mesma negara na vista oral anterior.
O primeiro deles sinalou que gran parte das contratacións do persoal temporal do Concello de Carballiño realizábanse "en base a subvencións de entidades públicas", a maior parte da Xunta de Galicia, e que nesas ofertas xa figuraban "as condicións para as contratacións".
Deste xeito manifestou que "se buscaba contratar a desempregados" polo que as solicitudes trasladadas por aqueles qu ese achegaban ao consistorio local para optar aos puestosse tramitaban a través do Servizo Público de Emprego. Deste xeito, negou que houbese inxerencia por parte dalgún dos acusados na elección do persoal.
No entanto, nesta mesma liña, afirmou que el se atopaba no departamento de persoal e que entre as súas funcións estaba a de realizar os contratos. De feito, chegou a admitir que se fixo "o seu propio contrato de renovación". "Mellor iso que outra persoa doutra área", justificço.
Sobre a falta de parte dos expedientes de contratación, os dous técnicos explicaron que o arquivo "se atopaba feito un caos pola falta de espazo" para almacenar a documentación, o que levou ao seu desprazamento entre tres dependencias: a propia planta da casa consistorial, outra sala no edificio e unha nave do polígono industrial.
Por iso e tras sinalar que estes traslados estiveron a cargo de operarios de obras "sen formación en arquivos", o feito de que aparecesen determinados expedientes "non significa que non existisen".
TRABALLADORES
As declaracións dos propios traballadores, moitos deles xa xubilados actualmente, tiveron como fío condutor o feito de non lembrar gran parte do proceso de contratación nin as persoas que estaban ao cargo durante as entrevistas de selección.
Si confirmaron que houbo procesos de selección entre candidatos, entrevistas persoais e probas de capacitación. Un deles chegou a sinalar: "decateime dunha praza para mecánico, presenteime e fixéronme as probas nun taller". Outros aseguraron presentar titulacións ante tribunal na sala de plenos consistorial, pero ningún concretou máis detalles.
En canto á forma de decatarse dos postos de traballo, varios tamén apelaron ao "tempo" transcorrido e a que "non se acordan", mentres que outros sinalaron desde o taboleiro de anuncios do concello ata chamadas do Inem.
Entre o nove traballadores que declararon hai diferentes ocupacións, desde peóns de albanelaría, persoal de emerxencias, unha traballadora do servizo de axuda a domicilio, ata un policía local que entrou como auxiliar e posteriormente aprobou a oposición. Todos eles, con todo, coincidiron en que "cumpriran os requisitos".
CONTRATOS
A maior parte dos traballadores comezara con contratos anuais que se renovaban cada un de xaneiro, pero tras un breve período de tempo pasaron a ser indefinidos.
Un dos membros do grupo de emerxencias foi preguntado sobre se "algunha vez" pasara "dun contrato ao paro e de aí de novo ao posto de traballo", e este recoñeceu que era "posible" pero que non o lembraba.
Pola súa banda, o encargado do pavillón municipal indicou que tanto el como a súa muller eran autónomos no ano 1989 e respondían as actividades do Padroado de Deportes Municipal, dependente do concello.
Sobre esa data, presentáronse a un concurso para a xestión do pavillón e gañárono pero que "cando Pachi entrou como alcalde desfixo o padroado".
Posteriormente, no 2004, avisáronlle de "que ía saír unha praza", e cando se publicou o anuncio "presentouse máis xente" pero el foi quen obtivo o posto. Tras tres anos con contratos que se renovaban anualmente, desde a 2007 forma parte dos traballadores indefinidos.
