Temas: UNIDAS PODEMOS VALENCIA ADA COLAU YOLANDA DíAZ

Colau descarta que o acto con Díaz e Oltra sexa o "lanzamento de ningunha plataforma"

Asegura que "non houbo ningunha conversación" sobre un novo proxecto de esquerdas.

Por Europa Press / Redacción | BARCELONA | 15/10/2021 | Actualizada ás 11:03

A alcaldesa de Barcelona, Ada Colau, descartou este venres que o acto que compartirá en Valencia antes de fin de ano coa vicepresidenta do Goberno, Yolanda Díaz, e coa vicepresidenta da Generalitat valenciana e líder de Compromís, Mónica Oltra, sexa "o lanzamento de ningunha plataforma".

Nunha entrevista na Cadena SER recollida por Europa Press, Colau explicou que se trata dun acto que "apetece especialmente porque son mulleres moi potentes coas que hai moitísima afinidade máis aló das siglas", en referencia a Díaz, Oltra e á máxima representante da dirección de Más Madrid, Mónica García, que tamén está previsto que asista.

"É un acto que nos fai moita ilusión pero non é o lanzamento de ningunha plataforma. Desmíntoo categoricamente porque, ademais, agora mesmo non estamos en tempo electoral e temos moito traballo quen estamos nas institucións", reiterou, e insistiu en que é o diálogo que a cidadanía lles está pedindo.

Oltra tamén aclarou este mércores que os tres dirixentes sentarán para falar de ideas neste acto que convoca o seu partido --Iniciativa, integrado en Compromís-- e subliñou que é un evento que "non vai de siglas", senón de achegar ideas a través de liderados femininos que teñen actualmente proxección e solvencia.

DÍAZ, EXEMPLO DE "LIDERADO"

Preguntada por se ve oportuno que Díaz constrúa un novo proxecto político de esquerdas, Colau eloxiou a figura da vicepresidenta cualificándoa como a mellor política que hai actualmente en España e asegurou que "non houbo ningunha conversación" sobre un novo proxecto sen a marca Podemos.

"Yolanda exemplifica que o primeiro que hai que facer traballar e escoitar, dialogar e sumar. Ese é o exemplo a seguir. Cando chegue o período electoral xa se verá. Evidentemente, as marcas teñen que estar ao servizo do proxecto e do ben común, non ao revés", subliñou.

Nese sentido, defendeu que Podemos e o seu exlíder Pablo Iglesias "abriron o horizonte de posibilidades e crearon un pluralismo que era a realidade do país pero que non se reflectía nas institucións" e que agora o tipo de liderado que se necesita para unha nova etapa é o de Díaz.

Temas: UNIDAS PODEMOS VALENCIA ADA COLAU YOLANDA DíAZ

2 Xandra

Se eu fose Ione Belarra non lle daría as costas a Yoli. Torres máis altas caerón e a Díaz é moi capaz de seguir a trepar aínda máis se elo é posíbel... Non descarto que vaia nas listas do P$o€ como independente e logo saque o puñal e siga ca purga...

1 Gamela

Yolanda segue buscando Nova Marca : EU > AGE > UP > YD En Galicia tamén andan a buscar Nova Marca : UPG > BNGuai Pero os demáis seguimos pagando as facturas... agora un 4,6 % máis caras e subindo !

1 Nunos

O BNG xa está máis preocupado cos pronomes da xente en twitter ca das facturas dos autónomos (eles din "autónomas"...). É o que ten tentar pescar en todos os mares, rematas por colmar a adega dunha mistura de peixes que non maridan na mesa... Dame igual, nas vindeiras eleccións quedo na casa ou vou ó monte pasear. Tanta modernidade e tanto haghiorghamento xa cansa e un non está para perder o tempo cun partido incapaz de pisar lama ou sinalar o que todo o mundo pensa pero xa ninguén di: o BNG tocou teito e comeza a baixada pola encosta da posmodernidade. A ver se hai sorte e o sector duro da UPG peta na mesa...

2 Riolo

Eso no es problema cuando ganas 6.000 al mes, como Yoli, y tienes coche oficial, ropa de marca y además todo gratis total, o haces como Inmaculada Colau, con sueldos similares, y noviete enchufado en el ayuntamiento. La dolce vita.

3 Gamela

Nunos, non teñas medo, UPG petará na mesa e onde faga falta, como levan facendo dende hai 57 anos (eso sí, para seguir sendo eternamente oposición...) É o que ten manter as "esencias", seméllanse aos da Aldea de Asterix : co bardo Paco recitando Decálogos da Revolta Irmandiña (?) Pero non teñas medo que pisar lama, non a pisarán na vida (dende as Encrobas) ?

4 Nunos

Gustaríame votarlles ós do BNG pero sendo eu como son tendente ó anarquismo dame moita preguiza confiar nun partido que escribe con 4 ou 5 normativas distintas (máis as súas variantes posmodernas tipo galeg@s, galegues e galegxs...), que mira máis pra Cataluña e Euskadi que a Irlanda ou a Escocia, que non lle fai noxo ir ás cuchipandas da Voz co borbón, que está máis pendiente do twitter ca dos autónomos, que usa a súa voz no congreso en causas perdidas que ós galegos nin nos van nin nos veñen (Palestina de Hamas, Cuba...), etc. Igual son eu o que peta na mesa e voto ós do Frente Obrero...