Xurxo Doval, novo secretario xeral de Xuventudes Socialistas coa promesa de "devolver a ilusión á mocidade"
Fixa como obxectivo entender a "idiosincrasia das comarcas" para pór fin a "dinastía" de Feijóo.
Por Europa Press / Redacción | SANTIAGO DE COMPOSTELA | 19/12/2021 | Actualizada ás 18:58
Xuventudes Socialistas de Galicia (XSG) proclamou este domingo ao ourensán Xurxo Doval como o novo secretario xeral da organización, tras liderar a única candidatura presentada.
Doval, cuxo cargo será ratificado o 29 de xaneiro, manifestou nunha comparecencia desde a sede do PSdeG, en Santiago, que o seu obxectivo é entender a "idiosincrasia das comarcas" de Galicia para poder desenvolver "un modelo económico e social equitativo que poña fin á ineficiente e déspota dinastía" do presidente da Xunta, Alberto Núñez Feijóo.
"Entendemos que o sistema languidece cando vota menos do 50% da poboación" aseverou o socialista, á vez que engadiu que hai que "devolverlle a ilusión á mocidade" para que "se poida sentir identificada cunha nova resposta do país".
Doval concluíu expresando que non lle van a pedir aos mozos "conquistar o ceo con palabras bonitas" pero si coa enerxía de varias xeracións que "non se queren resignar a seguir emigrando" e que "tristemente xa non teñen máis nada que perder".
