Investigado un veciño de Riós como presunto autor dun incendio forestal por neglixencia

A Garda Civil do posto de Verín tomou declaración a un veciño de Castrelo de Abaixo, no municipio de Riós, como presunto autor dun delito de incendio forestal orixinado por unha neglixencia.

Segundo informaron fontes do Instituto Armado, o incendio ocorreu o pasado venres, entre as 16,45 e as 19,13 horas, e orixinouse despois de que este veciño realizase varias queimas de restos de folla e ourizos, nunha leira de castiñeiros da súa propiedade.

As chamas estendéronse ás leiras lindeiras e resultaron finalmente afectadas 2 hectáreas de monte baixo. As dilixencias foron trasladadas ao xulgado de instrución 1 de Verín.

Axentes da Garda Civil no tramo da estrada LU-633, no termo municipal de Portomarín (Lugo). Carlos Castro - Europa Press - Arquivo