A Deputación de Pontevedra reparte 3'7 millóns entre os concellos da provincia

A Deputación de Pontevedra deu luz verde a 23 novas achegas do Plan Concellos, das liñas 1 e 3, coas que se realizarán "investimentos para transformar os concellos e, por outra banda, financiar a contratación de ata a 320 persoas que van permitir a prestación de servizos nos municipios".

Destacan que así a institución provincial fará chegar case 3,7 millóns euros ao Grove, Forcarei, Ponteareas, Salceda, Vilanova de Arousa, As Neves, Baiona, Caldas de Reis, Cangas, Crecente, Gondomar, A Illa de Arousa, Marín, Moaña, Mondariz, Nigrán, O Porriño, Rodeiro, Salvaterra de Miño, Tomiño e Vilaboa.

No marco da liña 1 de Investimentos a institución provincial aprobou case 800.000 euros para sufragar a achega municipal de Forcarei, O Grove, Vilanova, Ponteareas e Salceda aos proxectos do Plan ReacPon, "grandísimas obras financiadas ao 100% pola Deputación"  
Tamén se aprobaron para Forcarei 73.060 euros para o proxecto de reforma da Casa dá Xuventude para usos múltiples, 276.520 euros para O Grove para a humanización da rúa Alexandre Bóveda e 63.620 euros para Vilanova que servirán para financiar o acondicionamento dun baixo para arquivo municipal.

Para Ponteareas foron aprobados 240.880 euros para o camiño escolar seguro ao CEIP Ramiro Sabell, e para Salceda outros 134.730 euros para financiar reformar integral para o centro cívico do centro social da Devesa.

A presidenta da Deputación de Pontevedra, Carmela Silva. RAFA ESTEVEZ | Fonte: DEPUTACIÓN DE PONTEVEDRA