O porto da Coruña abirá ao público o peirao Calvo Sotelo entre "finais de verán e principios de outono"
Por E.P. | A Coruña | 13/05/2022 | Actualizada ás 18:41
O presidente da Autoridade Portuaria da Coruña, Martín Fernández Prado, presentou este venres o plan de apertura aos cidadáns do peirao de Calvo Sotelo. Nun percorrido iniciado no acceso ao porto pola praza de Ourense, Fernández Prado explicou o proceso previsto, que comezará coa derriba do actual edificio da Cantina e do local social.
No solar resultante habilitarase un acceso para os cidadáns, que poderán percorrer todo o recinto portuario desde a praza de Ourense ata Batería e o peirao de Transatlánticos. En canto a prazos, indicou que a previsión é abrir "entre finais de verán e outono", a expensas da concesión da licenza municipal para demoler a terminal de Oleosilos de Galicia.
O presidente da Autoridade Portuaria mostrou a súa confianza en que non se demore a licenza, de maneira que os cidadáns poidan gozar canto antes deste novo espazo que permitirá o acceso directo ao mar.
