A Xunta rehabilitará a casa da pintora María Antonia Dans, en Curtis

O conselleiro de Cultura, Educación, FP e Universidades, Román Rodríguez, anunciou o inicio das obras de rehabilitación e musealización que a Xunta de Galicia impulsa na casa da pintora María Antonia Dans, cun investimento de 250.000 euros. A actuación, que comezará nos próximos días, contará cun prazo de execución de nove meses e levará a cabo ao amparo dun convenio asinado este xoves entre o representante autonómico de Cultura e o alcalde de Curtis, Javier Caínzos.

Segundo explicou Román Rodríguez na súa visita á casa, con esta colaboración súmase unha nova alternativa cultural e artística na zona, ponse en valor a figura da pintora e recupérase unha parte do patrimonio histórico do concello. "María Antonia Dans é un referente no neoexpresionismo que destaca polas súas paisaxes nas que o rural xoga un papel fundamental e pola forza cromática dos seus lenzos", explicou o conselleiro.

Román Rodríguez en Roma.. Xunta de Galicia