Un espectacular incendio sen feridos calcina por completo un alpendre en San Cibrao das Viñas
As dúas estancias en que estaba dividido arderon por completo.
Por E.P. | OURENSE | 02/09/2022 | Actualizada ás 17:16
Un incendio de grandes dimensións, aínda que sen lamentar feridos, queimou este venres por completo un alpendre no municipio ourensán de San Cibrao das Viñas. O aviso recibiuse no 112-Galicia ao redor das 11,00 horas deste venres, cando un particular informou de que estaba a arder un alpendre no lugar da Lagoa, en San Cibrao das Viñas. Foron moitos as testemuñas que chamaron a emerxencias alertados polas dimensións do incendio, que podía verse desde a A-52.
No momento foron mobilizados efectivos de Protección Civil de Barbadás, Bombeiros de San Cibrao e GES de Pereiro de Aguiar, que actuaron conscientes de que no interior do alpendre almacenábanse bombonas de gas.
Os bombeiros confirmaron, finalmente, que o alpendre incendiado estaba dividido en dúas estancias que arderon por completo, e chegáronse a dobrar as vigas de ferro por mor das altas temperaturas alcanzadas. Ademais, sacouse unha bombona de butano do interior.
