Un traballador morre nas obras de reforma do hospital do Barbanza

Un operario faleceu este xoves no Hospital de Barbanza mentres traballaba en obras de reforma e mellora da climatización no bloque cirúrxico do complexo.

Así o confirmaron fontes sanitarias, que explicaron que a empresa encargada de acometer esta reforma, adxudicada por concurso público, iniciaba este xoves as obras programas para realizar durante os próximos días.

O traballador foi inmediatamente atendido no servizo de urxencias do hospital e o suceso foi comunicado oficialmente á policía, que investiga o sucedido.

Hospital Barbanza | Fonte: Arquivo