Crece un 25 % o tráfico de mercadorías no porto da Coruña
A pesca mantense en saldo negativo
Por E.P. | A CORUÑA | 15/11/2022 | Actualizada ás 18:46
O porto da Coruña mantén a súa tendencia á alza no volume de tráfico, cun crecemento que se situou próximo ao 25 % no balance acumulado ata outubro, segundo informa a Autoridade Portuaria.
"Coas cifras do último mes, segue apuntalándose a puxanza do movemento de mercadorías con datos superiores a exercicios anteriores á pandemia", explica. De "rechamantes" cualifica os rexistros no porto exterior, "onde xa se superaron este ano os 3,2 millóns de toneladas, moi por encima de 2017, o exercicio con mellores resultados ata este ano, cando en Langosteira se alcanzaron 2,3 millóns de toneladas no total anual".
O conxunto de tráficos do porto da Coruña sitúase xa ao redor dos 12 millóns de toneladas fronte aos 9,5 millóns rexistrados no mesmo período do pasado ano. De novo soben todos os sectores, tanto graneis líquidos como sólidos e mercadoría xeral.
O maior volume corresponde aos líquidos, superando os sete millóns de toneladas e subidas de máis do 10 %, pero o maior incremento produciuse nos graneis sólidos, con máis do 65 %, rozando o catro millóns de toneladas.
En canto ao balance na mercadoría xeral é tamén positivo, cun incremento do 17 %, cun máis de 823.000 toneladas e de novo cos produtos siderúrxicos e outros materiais de construción impulsando as subidas.
Respecto da pesca, a Autoridade Portuaria indica que "aínda que segue en saldo negativo, se ha ido recortando nos últimos meses, mellorando os resultados e estreitando a redución sobre 2021 ao 7 %".
