O boleto dos 2 millóns de euros foi vendido en Lalín
O dono do billete é o único gañador da Primeira Categoría deste sorteo da Bonoloto
Por E.P. | Santiago de Compostela | 03/04/2023 | Actualizada ás 11:21
Máis de dous millóns de euros percibirá o dono do boleto de `A Bonoloto´ validado en Lalín. A alta suma de diñeiro débese a que esta persoa foi a única acertante da Primeira Categoría no sorteo que tivo lugar este domingo 2 de abril.
A Administración de Loterías número 2 de Lalín foi a encargada de validar o boleto. A combinación gañadora está conformada polos números 6, 10, 14, 17, 33 e 42. O número complementario é o 46 e o reintegro, o 4. O premio total ascende, exactamente a 2.006.982,78 euros.
De Segunda Categoría (cinco acertos máis complementario) foron validados no Despacho Receptor número 19.585 de Aldeanueva de la Vera (Cáceres), no número 24.180 de Benicasim (Castelló), no número 67.665 de San Isidro (Santa Cruz de Tenerife) e no número 85.185 de Valladolid.
