Formoso reivindica a "conexión" do PSdeG coa Galicia urbana e rural

O secretario xeral do PSdeG, Valentín González Formoso, reivindicou a "conexión" dos socialistas coa Galicia urbana e rural, "imprescindible para transformar o país".

Así, nun acto de campaña en Cedeira, contrapuxo o seu partido ao PPdeG, "con conexión só no urbano e incapaz de vincularse co rural". "É imposible que unha formación que aspira a gobernar un país non teña representación en ambos os mundos", insistiu.


"Hai unha ilusión enorme, unha conectividade coa idea socialdemócrata que representa o PSOE", comentou, apuntando ademais que aspiran a conseguir un PSdeG "imperante en todas as institucións municipais, provinciais e logo, na gran materia, que vai ser Galicia".

Respecto das últimas enquisas de intención de voto publicadas, Formoso insistiu en que o que reflicten é o que ve o partido cando percorre Galicia, "unha empatía total co proxecto socialista". "Creo que acertamos co proxecto e coas persoas", aseverou.

Valentín García Formoso en Burela. PSDEG