Yolanda Díaz diríxese a Alfonso Guerra: "Na Europa que hoxe presidimos os comentarios machistas non teñen acollida"

A vicepresidenta segunda do Goberno e ministra de Traballo en funcións, Yolanda Díaz, censurou que os "comentarios machistas" do ex vicepresidente do Goberno Alfonso Guerra "non teñen acollida". "Desde aquí digo: acabouse co machismo en España e Europa".

Guerra afeou á vicepresidenta segunda do Goberno, Yolanda Díaz, a súa falta de "esencia" en política e ironizou sobre as críticas de Díaz ao ex presidente do Goberno Felipe González, considerando que as fixo entre "unha barbaría e outra".

Preguntada por estas palabras, en rolda de prensa en Santiago con motivo dun cume europeo sobre emprego, Díaz afirmou: "Hei de dicir que nas sociedades do século XXI, na presidencia na que nos atopamos, todas as discrepancias técnicas e políticas son benvidas, pero creo que na Europa que hoxe presidimos desde Santiago de Compostela, do século XXI, os comentarios machistas non teñen acollida".

A vicepresidenta segunda e ministra de Traballos e Asuntos Económicos, Yolanda Díaz, á súa chegada a unha rolda de prensa xunto ao comisario europeo de Emprego e Dereitos Sociais, no Hostal dos Reis Católicos, a 21 de setembro de 2023, en Santiago | Fonte: Álvaro Ballesteros