Continúa a busca da muller do Carballiño desaparecida o domingo

O dispositivo de procura da muller de 54 anos desaparecida o pasado domingo no Carballiño  renovouse sobre as 10,00 horas, deste 17 de xaneiro.

Segundo confirmaron fontes da Garda Civil de Ourense, a procura comezará na contorna da presa de Bouteiro, despois de que nas últimas horas se centrara tamén en rastrexar o río Arenteiro, tras aparecer o seu paraugas próximo aos núcleos de Godás e Ponterriza.

O dispositivo renovarase coa participación de efectivos do Grupo Especialista en Actividades Subacuáticas (GEAS) --mergulladores da Garda Civil--, efectivos de Seguridade Cidadá, Seprona e Protección Civil.