Piden axuda para atopar ao cabrito roubado de Poio

A Policía Local do municipio pontevedrés de Poio solicitou colaboración cidadá para atopar a dous mozos que roubaron un cabrito. Segundo informou o corpo, o suceso produciuse ás 7,40 horas do venres cando dúas persoas furtaron ao animal que se atopaba nunha leira situada na rúa Benigno Esperón.

Os ladróns escaparon á carreira cara á rúa Rosalía de Castro e os axentes, ata o momento, só contan cun vídeo gravado polos veciños. A Policía Local compartiu as imaxes a través das súas redes sociais e pediron aos cidadáns que denunciasen o que coñecesen destes feitos. Os veciños poden porse en contacto co posto de Poio a través do 689 57 54 95.

Cabrito ou chibo | Fonte: chivodecanillas.com