A Deputación de Pontevedra destaca o Rally do Cocido como "elemento dinamizador" do Deza
O presidente Luís López, destacouno como "elemento dinamizador".
Por Europa Press / Redacción | PONTEVEDRA | 01/04/2024 | Actualizada ás 16:33
O presidente da Deputación de Pontevedra, Luís López, destacou o Rally do Cocido como "elemento dinamizador" para a economía e o turismo da comarca do Deza. Na presentación este luns da 28º edición desta competención que terá lugar o próximo fin de semana, López subliñou a aposta do goberno provincial polo deporte "como complemento ideal para o turismo".
Nesta liña, apuntou que a Deputación, a través do apoio a eventos deportivos como este, consegue atraer a visitantes á provincia ao longo de todo o ano, dar a coñecer o patrimonio natural e cultural das comarcas e colaborar cos concellos. "A través do deporte practicamos o municipalismo", sinalou o presidente provincial, facendo referencia ás achegas a concellos ou asociacións culturais e deportivas que serven, engadiu, para "combater o reto demográfico".
