Por E.P. | SANTIAGO DE COMPOSTELA | 04/06/2024 | Actualizada ás 19:06
A conselleira de Vivenda e Planificación de Infraestruturas, María Martínez Allegue, celebrou que o delegado do Goberno en Galicia, Pedro Blanco, manifestase este martes que o Executivo central traballa na procura dunha solución ante o custo que ten para os usuarios o uso da AP-9, aludindo en concreto á "gratuidade ou alixeirar o peso" deste gasto.
Tras isto, a titular de Infraestruturas mostrou a súa "alegría" porque o Goberno "comprometa abertamente a gratuidade da principal autovía" da Comunidade, aínda que apuntou que as declaracións de Blanco "poden resultar ambiguas, posto que fala de 'tentar'".
Por iso, en declaracións tras un acto este luns na Fundación Laboral da Construción, convidou ao Executivo central a "ser valentes" e a "asumir" o que, lembrou, "foi compromiso electoral de Gómez Besteiro na campaña para as Autonómicas".
"O Goberno galego seguirá esixindo que se cumpran os compromisos adquiridos polo PSOE e o BNG, que prometeron implantar a gratuidade das peaxes das autovías estatais en Galicia, a AP-9 e a AP-53, entre Santiago e Lalín", manifestou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.