Falece unha traballadora dun hotel de Mondariz-Balneario tras caer por unhas escaleiras

Unha traballadora dun hotel da avenida Enrique Peinador, en Mondariz-Balneario perdeu a vida este sábado tras caer por unhas escaleiras.

Segundo informou o 112, o suceso produciuse minutos antes das 15.30 horas e foron os profesionais de Urxencias Sanitarias de Galicia-061 os que deron a voz de alarma.

A central de emerxencias tamén solicitou a colaboración da Garda Civil e dos voluntarios de Protección Civil da Mancomunidade de Oitavén-Tea.

Ata o punto desprazouse o helicóptero medicalizado con base en Ourense, pero os profesionais sanitarios só puideron confirmar o falecemento da muller.

Sala de operacións 112 Galicia | Fonte: XUNTA - Arquivo