Aberto o prazo para que as empresas turísticas soliciten axudas de eficiencia enerxética

A Xunta abriu este sábado o prazo para que as empresas turísticas de Galicia soliciten a nova liña de axudas para reforzar a eficiencia enerxética. A convocatoria, que foi publicada este venres no Diario Oficial de Galicia (DOG), poden acceder os establecementos de aloxamento e, como novidade tamén os de restauración.

Financiada con fondos europeos, o prazo de solicitude está aberto desde este sábado ata o 14 de novembro e a liña de axudas é de concorrencia non competitiva. Como norma xeral, a intensidade da axuda será de ata un 70% do custo total subvencionable do proxecto, aínda que poderá chegar ao 80% ou ao 90% no caso de que se acrediten aforros de enerxía primaria non renovable dun 20 ou 30%.

A liña sufragará, entre outras accións, a mellora da eficiencia enerxética da envolvente térmica coa intención de reducir a demanda en calefacción e climatización de edificios completos, locais ou partes do edificio destinados ao establecemento turístico.

O director de Turismo de Galicia, Xosé Merelles, e o xerente de Axencia Galega de Coñecemento en Saúde, Antonio Fernández-Campa, reciben aos membros da marcha solidaria a favor do cancro infantil. XOÁN CRESPO