Os hoteis galegos rexistraron máis de medio millón de viaxeiros en xuño

Os hoteis galegos rexistraron máis de medio millón de viaxeiros aloxados o pasado mes de xuño, e experimentaron un incremento dun 5,6 % con respecto ao mesmo mes do ano anterior. Segundo a información publicada este mércores polo Instituto Nacional de Estatística (INE), durante o sexto mes do ano aloxáronse en hoteis galegos 532.268 persoas, que realizaron 968.234 estancias, un 5,38 % máis que o ano anterior.

Destes 532.268 viaxeiros, 316.709 eran de orixe española, mentres que 215.559 eran estranxeiros. Por provincias, 241.880 viaxeiros decantáronse pola provincia da Coruña, 180.442 pola de Pontevedra, 77.403 pola de Lugo e 32.543 aloxáronse en hoteis da provincia de Ourense.

Imaxe da habitación dun hotel | Fonte: Jesús Hellín - Arquivo