Descarrila un tren de mercadorías en Curtis, que interrompe a circulación ferroviaria entre A Coruña e Lugo

Acirculación ferroviaria dos trens de media distancia entre A Coruña e Lugo permanece interrompida desde a tarde do venres tras descarrilar un convoi de mercadorías no tramo situado entre Teixeiro (Curtis) e Oza dos Ríos.

Segundo informaron a Europa Press fontes de Renfe, a saída das vías tivo lugar sobre as 17,00 horas da tarde do venres e na xornada deste sábado aínda permanece afectada a circulación.

Renfe explicou de que se estableceu un plan de transporte alternativo por estrada para garantir a mobilidade dos viaxeiros, que están a ser informados da incidencia polas canles habituais.

Tren de mercadorías | Fonte: Arquivo