Navantia pon en marcha as boras para a Fábrica Dixital de Bloques de Ferrol
Navantia apuntou que cumpren os prazos fixados inicialmente e que a fábrica estará terminada en 2025 para poder entrar en funcionamento en 2026
Por E.P. | Ferrol | 01/08/2024 | Actualizada ás 17:48
Navantia comezou a colocación dos primeiros alicerces da súa nova Fábrica Dixital de Bloques no estaleiro de Ferrol, unha estrutura que traerá consigo un novo modelo de produción e na que a compañía pública inviste 110 millóns de euros.
Estes primeiros alicerces correspóndense cun do tres módulos dos que constará o complexo, o de aceiros --os outros son armamento e volteo--.
Esta fase da construción da nova fábrica prolongarase durante os próximos 12 meses e nela, segundo informou o grupo, utilizarán 7.750 toneladas de aceiro. O triplo do que se emprega na construción dunha fragata de última xeración.
A fábrica terá unha estrutura rectangular, cunhas medidas aproximadas de 500x90 metros e unha superficie construída duns 45.000 metros cadrados.
Navantia apuntou que cumpren os prazos fixados inicialmente e que a fábrica estará terminada en 2025 para poder entrar en funcionamento en 2026.
A Fábrica de Bloques, detallou Navantia, é unha planta totalmente dixitalizada, automatizada e robotizada, coa "tecnoloxía máis avanzada" para optimizar os procesos e reducir os prazos de entrega.
Este novo modelo produtivo para os bloques dos buques irá avanzando "de estación en estación" e empregará a 300 persoas en cada unha delas.
