Excarceran a unha das ocupantes dun coche que saíu da estrada en Calvos de Randín

Unha das ocupantes dun coche que se saíu este luns da estrada no municipio ourensán de Calvos de Randín tivo que se excarcerada. Segundo informou o 112, a saída de vía tivo lugar no quilómetro 2 da OU-303 (Randín) e as dúas persoas que viaxaban no vehículo necesitaron asistencia sanitaria.

Eran as 15 horas cando os servizos sanitarios contactaron co 112 e explicaron o sucedido: a persoa que conducía conseguiu saír ao exterior, pero o seu acompañante continuaba no asento do copiloto. Neste operativo participaron Urxencias Sanitarias de Galicia-061, os Bombeiros de Xinzo, o GES de Muíños e a Garda Civil de Tráfico.

Foron os efectivos do GES os que liberaron á persoa, que foi evacuada ao centro hospitalario de referencia xunto coa outra ferida. Asimsimo, os Bombeiros de Xinzo axudaron a trasladar ás implicadas ata a ambulancia.

TRABALLADOR FERIDO EN AMES

Por outra banda, o 112 tamén informou de que un traballador resultou ferido este luns tras caer desde unha altura de tres metros en Ames. O operario traballa para unha empresa de electricidade e foi trasladado en ambulancia ao hospital.

Faltaban dez minutos para as 15 horas cando o 112 Galicia recibiu o aviso deste accidente, rexistrado na rúa Oliveiras, en Biduído. O ferido estaba consciente, pero queixábase dunha importante dor tras caer dun tres metros de altura mentres traballaba.

Desde o 112 Galicia solicitouse a acción de Urxencias Sanitarias de Galicia-061, da Garda Civil e da Policía Local de Ames.

Sala de operacións 112 Galicia | Fonte: XUNTA - Arquivo