Insisten ao alcalde de Ourense que desista no uso de animais nas cabalgatas de Nadal

A plataforma nacional Defensa Animal pediu ao alcalde de Ourense, Gonzalo Pérez Jácome, que cese o uso de animais nas cabalgatas. Nun comunicado, cualifica o entretemento con animais como "máis propio das cavernas que dun municipio civilizado"."A infancia debe ser educada na empatía e o respecto aos demais".

"Contemplar a outros animais obrigados a participar en espectáculos é o contrario á bondade pois a mensaxe que se está enviando é que están ao noso servizo", engade. "É demencial pretender que en procesións, beléns ou cabalgatas os animais non van sufrir situacións incompatibles co seu benestar dadas as características propias da súa especie", recalca.

Cabalgata dos Reis Meigos en Ourense | Fonte: Rosa Veiga - Arquivo