O Igape publica no DOG deste martes os novos prazos de solicitude de axudas afectadas por fallos na web
O Igape toma esta decisión despois de que o pasado 21 de xaneiro a súa web experimentase algúns fallos na mesma xornada na que se abría o prazo para solicitar 11 liñas de axudas.
Por Europa Press / Redacción | SANTIAGO DE COMPOSTELA | 03/02/2025 | Actualizada ás 18:57
O Instituto Galego de Promoción Económica (Igape) publicará este martes, día 4, no Diario Oficial de Galicia os novos prazos para a presentación de solicitudes de axudas, unha vez emendadas as incidentes técnicas na súa nova plataforma tecnolóxica. O Igape toma esta decisión despois de que o pasado 21 de xaneiro a súa web experimentase algúns fallos na mesma xornada na que se abría o prazo para solicitar 11 liñas de axudas. Xa naquel momento, a Consellería de Economía garantiu que as persoas que optasen a subvencións non competitivas manterían a orde real de presentación a pesar dos fallos. As persoas interesadas poderán consultar os novos prazos e toda a información detallada a través das canles oficiais de información: o Diario Oficial de Galicia (DOG), a sede electrónica da Xunta e a Oficina Virtual do Igape.
