O XV Congreso do PSdeG non estará afectado por conflitos locais e pon en valor a participación da militancia
Lembran que tanto o de Santiago como o do Carballiño son asuntos nos que o Partido Socialista "debe facer cumprir a normativa", lembrou que ao longo do último mes tiveron lugar as asembleas para decidir as delegacións ao Congreso
Por Europa Press / Redacción | SANTIAGO DE COMPOSTELA | 21/02/2025 | Actualizada ás 14:40
O Partido Socialista de Galicia rexeitou este venres que os conflitos locais poidan afectar ao seu XV Congreso, que celebrarán os próximos días 8 e 9 de marzo, e puxo en valor a participación da militancia no proceso que culminará coa aprobación dos documentos que fixarán a súa folla de ruta para o próximos catro anos.
Preguntado sobre se casos como o conflito no Grupo Municipal de Santiago e a expulsión do alcalde do Carballiño, que esta semana foi ratificada pola dirección federal poderán desincentivar a participación da militancia na máxima cita de decisión do PSdeG, o portavoz da Executiva, Julio Torrado, considerou que os socialistas si participarán e puxo en valor a implicación dos socialistas en todo o proceso previo ao congreso.
Tras lembrar que tanto o de Santiago como o do Carballiño son asuntos nos que o Partido Socialista "debe facer cumprir a normativa", lembrou que ao longo do último mes tiveron lugar as asembleas para decidir as delegacións ao Congreso, así como o prazo de presentación de emendas, nos que a militancia expresou "voluntariamente" a súa vontade de participar.
Neste punto, incidiu no feito de que calquera socialista ten posibilidade de facer emendas e propostas para que se cambien as normativas que son as que o Partido Socialista aplica en casos como o de Santiago de Compostela. "É un sinal sobre se compartidos que esas deben ser as normas ou se deben de cambiar", afirmou para asegurar que non percibiu ata o momento que "exista discusión" sobre eses aspectos dos estatutos.
