Victor Freixanes deixa a presidencia da Real Academia Galega

A etapa de Victor F. Freixanes como presidente da Real Academia Galega (RAG) terminou tras oito anos no cargo. A secretaria Margarita Ledo Andión asumirá a presidencia de forma interina.

O xa expresidente da Rag formalizou o fin do seu mandato, tras oito anos no cargo, ante os membros do Plenario da xunta ordinaria celebrada este venres no Pazo de María Pita, segundo informou a academia nun comunicado este sábado.

Así, Ledo será a encargada de pór en marcha o proceso electoral da nova comisión executiva da Academia nun prazo inferior a tres meses, segundo os Estatutos da organización. As candidaturas á presidencia da Rag deben ser presentadas por tres membros de número da institución, nun prazo que finalizará 48 horas antes á data que se fixe para realizar o pleno extraordinario da elección.

Victor Freixanes deixa de ser presidente da RAG e asume o cargo de forma interina a secretaria Margarita Ledo. RAG | Fonte: Europa Press