PC City, estrea conflitiva en Marineda City

A cadea estréase no faraónico complexo comercial de A Coruña co anuncio da súa saída de España e censurando a un blogueiro que estaba a sacar fotografías. Julia Otero, sorprendida porque non se fale galego na inauguración.

Por Galicia Confidencial | A Coruña | 15/04/2011 | Actualizada ás 09:25

A inauguración do local de PC City en Marineda City vén cargada de polémica. O mesmo día da pertura ao público do complexo comercial, a cadea de informática anunciou o peche das súas 34 tendas en España, o da súa sede central e o da súa páxina web de comercio electrónico. Medidas acompañadas por un Plan de Regulación de Emprego para os seus 1.224 traballadores, informa a axencia EFE . Este plan afectará aos tres establecementos que a marca ten en Galicia: A Coruña, Santiago e Vigo.

Estas medidas responden ao proceso de saída do mercado español que iniciou a compañía británica Dixon Retails, xustificada pola “progresiva caída do consumo, as perdas acumuladas pola cadea e os plans do Grupo para centrar a súa actividade en tendas combinadas de informática e electrónica".

Unha decisión que estraga a estrea de PC City no megacomplexo comercial e que se viu tinguida de máis polémica por un incidente cun blogueiro. No primeiro día de apertura do complexo, Galicia1 relatou a través da súa conta en Twitter o incidente que tivo con empregados de PC City. Tras percorrer boa parte de Marineda City e fotografar distintos locais, este bloguero bateu en PC City cun vixiante de seguridade ao que non lle gustou que estivese a tomar fotos: “Me acaba de parar el segurata de PcCity que no puedo sacar fotos. Han llamado a la policia”, comentaba nun tuit este bloguero, que continuaba dicindo: “Perdiendo el tiempo esperando a que venga la nacional por sacar fotos dentro de PcCity”. Alí presentouse tamén a encargada do establecemento, á que cualificou como “desagradable”. Finalmente, o incidente resolveuse en favor do blogueiro, segundo comentou en Twitter: “La policia nacional ha venido y me ha dado la razon. No hay ley alguna”. E catro horas máis tarde, reiteraba: "La policia, como dice la ley, no me prohibió sacar fotos ya que no existe ninguna legislación que prohiba hacer fotos en espacios publicos".

“Nin unha palabra de galego”

A inauguración de Marineda City estivo marcada tamén por un conflito lingüístico. A xornalista Julia Otero, quen participou na campaña publicitaria de lanzamento deste complexo comercial, laiábase na súa conta en Twitter porque o galego foi excluído da inauguración oficial de Marineda City. A xornalista compartía cos seus 4.098 seguidores este comentario: “Me sorprende que en un acto social de esta envergadura no se diga ni una palabra en gallego”. Unha crítica que se agudizou cando a tamén xornalista Elisa Beni preguntoulle: “No falan?”. “Hablan... En la intimidad”, respondeu Julia Otero cunha clara alusión ao recordadísimo momento no que o ex presidente José María Aznar asegurou que falaba catalán “na intimidade”.

GC publicou hai nove días a denuncia de Prolingua polo "total desprexzo" dos xestores de Marineda City ao galego, lingua excluída da campaña promocional do complexo comercial.

Noticias relacionadas

5 Manolo2

Ay julia, yulia, que pena no falan galego, pero tu seguro que cobraste por anunciar Marineda City falando en castellano, sin que te importara mucho.

4 CALANDRACAS

Xa por de pronto, despreza a moita xente na Galiza, que sentese doida. centos de milleiros. de persoas. Independente de este feito, o certo é que non é mais que unha bomba de reloxeria no centro de A Coruña. E chegara o día, en que comencera moita xente a botar baguas, e queiran ou non, por cada posto de traballo morren moitos mais. Quedara o Centro de A Coruña, feito uns zorros, e despois fechara o mounstro. Non hay que ver moitas das cidades Portuguesas, que tanto gustalles o dos centro comerciais (Ex. Porto).

3 Galicia1

Queremos apuntar que o de seguridade do PcCity nos tratou moi amablemente e que o malentendido e os problemas surxiron coa encargada da tenda e non con el, que so seguía directrices que lle apuntaban. Neste caso un 10 tanto para seguridade como para a policía

2 Galicia1

Graciñas pola repercusion! Un saúdo!

1 coruñés

Marineda City creouse coa burbulla inmobiliaria, todos querían estar a carón de IKEA. Sobrevivirán (antes caerá algún outro centro comercial da Coruña). Pero IKEA da Coruña xa dixo que agardaba máis visitantes e máis vendas, e non está sendo así... PC City é o primeiro, pero non é o último.... Por outra parte quen pense que un Martes pola mañá ou pola tarde, en primavera ou verán un coruñés sustitúa o seu paseo a carón do mar por ir a un centro comercial no medio dun polígono industrial...

1 Manoliño

Suposto coruñés, o pobo galego pasou do voso boicoz a Marineda como da merda. Quen quixo ir, foi. E foi xente dabondo: 90.000 persoas http://www.lavozdegalicia.es/coruna... Seguide facendo o ridículo.

2 xan

manoliño, que a La Voz de Galicia se faga eco de números tan fora da realidade coma eses non me sorprende, pero que ti os creas sí que é abraiante. En todo caso, só veremos o que pasa co Marineda este a medida que pase o tempo. Apertas

3 Rayleigh

Claro,manolito..A novidade, xa sabes. Sempre é así. E con calqueira cousa. Dentro dun ano xa veremos onde quedamos. E recorda, Marineda é monstruoso. Para mantelo necesitará dunha cantidade de xente bestial de maneira continua. E que esta xente CONSUMA. A realidade é que estamos en crise e que en días de semán a ver canta xente vai darse unha volta por alá. Xa veremos manolito....Xa veremos.

4 Manoliño

xan: ¿funcionou o boicoz contra Marineda si ou non? Se a resposta é non, os que chamaron ao boicoz fixeron o ridículo como coa Voz. Conste que eu non fun, e aínda tardarei en ir, que me parece bastante mais atractivo, pintoresco, simpático ou como queiras dicilo, ir un xoves pola mañán a mercar patacas a unha feira tradicional que se celebra en Carballo que pasar unha mañán ou unha tarde nun centro comercial (mais).