O Concello de Santiago denuncia a agresión ao petróglifo do Castriño de Conxo

O Concello de Santiago denunciou a agresión sufrida polo petróglifo do Castriño de Conxo, que apareceu danado, aparentemente, por un obxecto punzante. O Departamento de Espazos Cidadáns solicitou á Dirección Xeral de Patrimonio da Xunta e á Policía Autonómica a súa colaboración para esclarecer os feitos.

O petróglifo do Castriño de Conxo foi "alterado, aparentemente, por un obxecto punzante que eliminou a capa de liques que o cubría e que reavivou algunhas das súas fendas".

O concelleiro de Espazos Cidadáns, Jorge Duarte, desprazouse este xoves ata a zona en compañía da arqueóloga municipal, Dolores Cerqueiro, e do presidente do colectivo A Rula, Luís Lecrere. Segundo puideron comprobar, no ámbito de protección do petróglifo procedeuse tamén á roza de vexetación e talla de varias árbores, "nunha acción que podería ter como obxectivo facilitar o acceso ao petróglifo".