O sol e as temperaturas máximas en ascenso protagonizarán a xornada electoral en Galicia
Os ourensáns serán os que pasarán máis calor con 29º, e os pontevedreses tamén terán un día de praia, con 27º e 26º en Vigo.
Por E.P. | SANTIAGO DE COMPOSTELA | 25/05/2019 | Actualizada ás 10:44
O sol e as temperaturas máximas en lixeiro ascenso serán os protagonistas nunha xornada electoral no que están chamados a votar preto de 2,25 millóns de electores galegos.
Segundo a predición de Meteogalicia, a Comunidade galega quedará baixo a influencia das altas presións e ventos do norte. Así, os ceos permanecerán pouco anubrados ou despexados na metade sur, mentres que na metade norte predominarán as nubes baixas nas primeiras e últimas horas do día.
As temperaturas mínimas continuarán sen cambios, mentres que as máximas experimentarán un lixeiro ascenso. O vento soprará frouxo de compoñente norte.
Os ourensáns serán os que pasarán máis calor, xa que na cidade das Burgas alcanzaranse os 29 graos, aínda que os pontevedreses tamén terán un día de praia, con 27 graos e 26 en Vigo.
Con temperaturas máis suaves acudirán ás urnas os coruñeses e ferroláns, con 17 e 20 graos de máxima. Na capital galega, rexistraranse 23 graos, a mesma temperatura que se espera para Lugo.
