VOTA | Quen gobernará Galicia?
GC pregunta aos seus lectores que Goberno pensan que sairá das urnas nas eleccións galegas de 2020.
Por Galicia Confidencial | Santiago de Compostela | 12/11/2019 | Actualizada ás 09:00
A tendencia do voto en Galicia indica que moi probablemente o PP perderá a maioría absoluta no Parlamento galego e que o futuro Goberno depende de posibles pactos entre as forzas de esquerda ou as de dereita.
A suba de Vox nas últimas eleccións xerais presaxian a posible irrupción da ultradereita na Cámara galega, debido en parte á desfeita en Ciudadanos, que pasou de ser a cuarta forza en Galicia a converterse nun partido residual. Se o PP non acada a maioría absoluta, habería que ver até que punto está disposto a pactar coa extrema dereita, se os números lles dan para sumar maioría e se cumpre a aparición dos ultras no Parlamento. E tamén se Ciudadanos é quen de recuperarse ou non.
Se non é así, case ninguén pon en dúbida que a esquerda pactará se suma máis escanos que a dereita, co PSOE á cabeza, agora en empate técnico co PP. A incógnita é se En Marea —que non se presentou ás eleccións xerais— consegue representación ou non no Congreso e suma aos votos de PSOE, Galicia en Común e BNG.
En base ás novas tendencias de votos en Galicia, GC pregunta aos seus lectores que Goberno pensan que sairá das urnas nas eleccións galegas de 2020.
