Santiago acumula 138 propostas de sanción por incumprimento desde o inicio do estado de alarma
Urbaser continuará xestionando o servizo de limpeza a pesar de rematar en abril a concesión.
Por E.P. | SANTIAGO DE COMPOSTELA | 06/04/2020 | Actualizada ás 18:53
A Policía Local de Santiago de Compostela realizou un total de 138 propostas de sanción por incumprimentos das medidas decretadas desde o inicio do estado de alarma.
Desde este venres, os controis efectuados entre a mañá e a madrugada ao longo do municipio saldáronse con 34 identificacións. Delas, 21 foron propostas para sanción.
En total, producíronse 211 identificacións desde o pasado 16 de marzo, das 138 foron propostas para sanción, ademais de 3.137 vehículos controlados neste período.
URBASER
Por outra banda, o alcalde de Santiago, Xosé Sánchez Bugallo, informou este luns de que Urbaser continuará xestionando o servizo de recollida e limpeza viaria na capital galega a pesar de que o contrato finalizaba en abril.
Segundo explicou tras a xunta de goberno local, dáselle unha orde de continuidade xa que, no actual contexto, non é posible iniciar un procedemento de licitación, polo que Urbaser "ten que seguir prestando o servizo".
