Interceptado por saltar a corentena un condutor luso en Verín cun coche de baixa desde hai 7 anos
O coche non tiña seguro, non lle funcionaban os faros e tiña os pneumáticos en mal estado.
Por Europa Press / Redacción | OURENSE | 06/05/2020 | Actualizada ás 10:20
A Garda Civil localizou en Verín localizou a un cidadán portugués que circulaba cun vehículo que figuraba de baixa desde facía sete anos nunha saída sen xustificación no marco do estado de alarma.
Segundo informou o Instituto Armado, cando axentes de Tráfico de Verín realizaban labores da súa especialidade neste municipio identificaron o condutor dun vehículo de nacionalidade portuguesa que circulaba pola localidade nun coche que "fora dado de baixa facía máis de sete anos e que non argumentou razón lícita para o seu desprazamento".
Os axentes, tras facer as comprobacións, constataron diversas irregularidades tales como carencia de seguro obrigatorio, fallos eléctricos na iluminación e pneumáticos en mal estado, polo que procederon á inmovilización do vehículo e ao seu traslado a un depósito.
Por todo iso, a Garda Civil formulou denuncias por infraccións contra a seguridade do tráfico e por saltarse o confinamento.
