Alerta amarela por vento na Costa da Morte e por altas temperaturas no sur de Pontevedra

Segundo informa Meteogalicia, organismo dependente da Consellería de Medio Ambiente, as altas presións traerán de novo a Galicia aire cálido procedente do sur da Península Ibérica, polo que se rexistrarán de novo temperaturas elevadas no sur da comunidade.

Antes, este mércores, 15 de xullo, está activada a alerta amarela por vento do nordés no mar, de forza sete, na zona da Costa da Morte, que soprará a partir das 12:00 horas e repetirase durante a tarde do xoves.

Tamén o xoves estará activa a alerta amarela por temperaturas superiores aos 34 graos na área litoral de Pontevedra e na zona de Baixo Miño, na mesma provincia.