Detectados outros 4 positivos no foco da Pobra do Caramiñal que eleva a 15 os contaxiados
Son traballadores e contactos directos.
Por Europa Press / Redacción | SANTIAGO DE COMPOSTELA | 27/08/2020 | Actualizada ás 13:56
O foco de COVID-19 relacionados cunha empresa situada no municipio coruñés da Pobra do Caramiñal suma outro catro casos positivos, o que eleva a 15 os contaxiados. Fontes da área Sanitaria de Santiago e Barbanza explicaron que os catro novos positivos detectados no 'screening' realizado corresponden a catro traballadores.
Deste xeito, estes súmanse aos 11 casos xa detectados; cinco traballadores da empresa e outro seis vinculados aos seus contactos estreitos. Precisamente, a xornada pasada, profesionais de enfermaría da área sanitaria realizaron un cribado na empresa e tomaron mostras a 183 persoas.
Ademais, nesta área sanitaria compostelá hai outro brote con 13 casos positivos vinculados ao centro de Correos de Lavacolla, na capital galega.
