O Festival de Narración Oral Atlántica retoma a súa oitava edición tras a interrupción pola covid-19
Haberá unha vintena de espectáculos en distintos concellos.
Por E.P. | Santiago de Compostela | 13/10/2020 | Actualizada ás 19:00
O Festival Internacional de Narración Oral Atlántica completará este outono a programación da súa oitava edición, que foi interrompida por mor da declaración do estado de alarma o pasado mes de marzo motivado pola pandemia de covid-19.
Grazas ao apoio das entidades colaboradoras, a organización do Festival programará nas próximas semanas unha vintena de espectáculos que se repartirán nos concellos de Santiago de Compostela, Ferrol, A Coruña, Ourense, Vigo, Lalín, Teo, Pazos de Borbén e Bertamiráns.
En concreto, boa parte da programación vaise a desenvolver entre o 5 e o 7 de novembro e, mentres que para o 5 e o 6 de decembro están previstas outras dúas funcións que completarán a edición deste ano do Festival Atlántica.
Serán, en total, 24 espectáculos nos que participarán os narradores Noelia Carioca (Salamanca), José Luis Gutiérrez 'Guti', (Zamora), Rubén Martínez Santana (Venezuela), Fernando Saldaña (Salamanca), Sandra Araguas (Huesca) e os galegos Ramiro Neira, Charo Pita, Pablo Díaz, Santi Prego e Sole Felloza.
Todas as actividades vanse a desenvolver cumprindo coas medidas de seguridade contra o coronavirus dispostas polas autoridades sanitarias. En concreto, para asistir ás funcións será necesario inscribirse por adiantado e confirmar a asistencia o día anterior.
