Cal é o mellor desinfectante fronte a Covid-19?
Un estudo analiza a efectividade dos desinfectantes con e sen alcol.
Por Europa Press / Redacción | MADRID | 07/12/2020 | Actualizada ás 11:00
Un novo estudo de investigadores da Universidade Brigham Young (Estados Unidos) evidenciou que os desinfectantes para mans sen alcol son tan efectivo para eliminar o virus do COVID-19 nas superficies como os produtos a base de alcol.
"Os nosos resultados indican que o desinfectante de mans sen alcol funciona igual de ben, así que poderiamos, mesmo deberiamos, usalo para controlar o COVID-19", expica o autor principal do estudo, Benjamin Ogilvie.
Na súa investigación, publicada na revista 'Journal of Hospital Infection', estes científicos trataron mostras do coronavirus con cloruro de benzalconio, que se usa comunmente en desinfectantes para mans sen alcol, e varios outros compostos de amonio cuaternario que se atopan regularmente nos desinfectantes. Na maioría dos casos de proba, os compostos eliminaron polo menos o 99,9 por cento do virus en 15 segundos.
Os desinfectantes para mans sen alcol, que tamén son eficaces contra os virus do arrefriado común e a gripe, teñen unha serie de vantaxes sobre os seus homólogos baseados no alcol, segundo estes investigadores. Ademais, engaden que cambiar a un desinfectante de mans sen alcol tamén é logísticamente simple. "A xente xa o usaba antes de 2020", detalla outro dos autores, Brad Berges.
Dado que o cloruro de benzalconio adoita funcionar ben contra virus rodeados de lípidos, como o SARS-CoV-2, os investigadores creron que sería unha boa opción para desinfectar o coronavirus. Para probar a súa hipótese, puxeron mostras do virus en tubos de ensaio e logo mesturáronas en diferentes compostos, incluíndo unha solución de cloruro de benzalconio ao 0,2 por cento e tres desinfectantes dispoñibles comercialmente que conteñen compostos de amonio cuaternario, así como cargas de chan e auga dura.
Traballando rapidamente para simular as condicións do mundo real, porque o desinfectante de mans ten que desinfectar rapidamente para ser efectivo, neutralizaron os compostos desinfectantes, quitaron o virus dos tubos e colocaron as partículas do virus nas células vivas. O virus fallou en invadir e matar as células, indicando que fora desactivado polos compostos.
O equipo cre que os seus achados "poden realmente proporcionar un cambio nas instrucións sobre o desinfectante de mans. Ogilvie espera que a reintroducción de desinfectantes sen alcol no mercado poida aliviar a escaseza e reducir as posibilidades de que a xente se atope con algúns desinfectantes con alcol potencialmente "incompletos" que xurdiron en resposta á demanda.
